Во нашето училиште се конституираше Ученичкиот парламент при ООУ „Аврам Писевски“ преку непосредно тајно гласање на претставниците (претседателите и заменик претседателите) на Одделенските заедници од училиштето.

Најпрвин психологот и наставникот по Граѓанско образование како гости на настанот им го објаснија процесот на избор и начинот на гласање на претставниците. Потоа се разговараше за обврските и правата на членовите на Парламентот, но и обврските на Изборната комисија и Претседателот, заменик Претседателот и благајникот на Парламентот. 

По објаснувањето и кратката дискусија се оформи Изборната комисија и тоа во состав: Данило Соколов од VIII-A, Јана Иваноска од VII-А и Стефанија Неделковска од VIII-Б одделение. Своја кандидатура за Претседател на ученичкиот парламент поднесе и изложи: Марија Јовчевска од IX-А одделение. 
По излагањето на кандидатурата од страна на единствениот кандидат, изборната комисија спроведе гласање.
Според резултатите на изборната комисија, ученичката Марија Јовчевска беше избрана за Претседател со апсолутно мнозинство од гласовите на заедницата, додека за заменик претседател беше избрана Симона Божиновска. Како благајник одбрана беше Милена Китановска.

 

Во училиштето избран беше и ученички правобранител кој се грижи за заштитата и унапредувањето на правата на учениците во училиштето. Своја кандидатура за ученички правобранител поднесе и изложи: Матеј Цветковски од IX-А одделение.
По излагањето на кандидатурата од страна на единствениот кандидат, изборната комисија спроведе гласање. Ученички правобранител стана Матеј Цветковски од IX-A одделение, кој беше избран со апсолутно мнозинство на гласови од учениците.

 

Со тоа се конституираше ученичкиот парламент при ООУ „Аврам Писевски“ и се избра ученички правобранител на училиштето.