На 31.5.2024 год. се одржа работилница меѓу партнерските училишта:
ООУ “Лиман Каба”,с.Љуботен, Бутел, Скопје и ООУ” Аврам Писевски “, с.Бардовци, Карпош, Скопје
По пристигнување на учениците од ООУ “Лиман Каба” во нашето училиште ООУ “Аврам Писевски” најпрво следеше запознавање меѓу учениците со спортски поздрав, a потоа имаа кратко загревање.
Во првиот дел од активностите, учениците од осмо и деветто одделение поделени во четири групи играа игра( X/0) со обрачи кои формираа 6 полиња. На одредена дистанца имаше по три маркери од лева и десна страна во различна боја. Едната боја ја претставуваше едниот тим, а другата боја другиот тим. Нивната задача беше да истрчаат до маркерот, да се вратат и да го постават во обрачот. Победници се оние кои ќе оформат линија со три исти бои на маркери.
Учениците во вториот дел од активностите играа полигон од натпреварувачки карактер повторно поделени во четири групи, две групи се машки, две женски измешани од двете училишта. Нивната задача беше да го поминат без грешка и најбрзо што можат полигонот поставен од наставниците со брзо трчање и натпреварувачки дух. Екипата која е побрза и го прави полигонот без грешка е победник.
Третиот дел беше од забавен карактер. Секој ученик се натпреваруваше индивидуално со тоа што се натпреваруваа по 4 учесника ( 2машки, 2 женски). Нивна задача беше да успеат да постават три маркери во својот обрач.
Завршната активност беше поздравување на сите ученици меѓусебно и групна фотографија.
На крајот учесниците се дружеа на заеднички доручек и се договоривме за нови активности кои ќе се одвиваат во партнерското училиште ООУ” Лиман Каба”.
Одговoрни наставници: Давор Божиновски и Душко Деспотовски
Координатор: Наташа Томшиќ
Директор: Кристина Андриќ
